चिंचवली वनवासी कल्याण आश्रमातील विद्यार्थ्यांना शालेय साहित्याचे वाटप

रामशेठ ठाकूर सामाजिक विकास मंडळ व पंचरत्न मित्र मंडळ मुंबई यांच्यावतीने पनवेल तालुक्यातील चिंचवली येथील वनवासी कल्याण आश्रम मधील विद्यार्थ्यांना शालेय साहित्य व धान्य वाटप करण्यात आले. 

या कार्यक्रमास प्रमुख पाहुणे म्हणून आरसीएफचे कार्यकारी संचालक व्ही. पी. श्रीकुष्णन, तर विशेष पाहुणे म्हणून पनवेल महापालिकेच्या माजी उपमहापौर चारुशिला घरत, वनवासी कल्याण आश्रमचे जिल्हाध्यक्ष प्रविण देशपांडे, निलेश कांबळे, उपसरपंच रमेश पाटील, पंचरत्न मित्र मंडळाचे अध्यक्ष अशोक भोईर, सचिव प्रदीप गावंड, सहसचिव स्नेहा नानिवडेकर, खजिनदार सचिन साळुंखे यांच्यासह ग्रामस्थ उपस्थित होते. यावेळी आरोग्य शिबिराचे आयोजन करण्यात आले होते तसेच परिसरात वृक्षारोपणही करण्यात आले.