- अविरत वाटचाल न्यूज नेटवर्क
- मुंबई, 7 फेब्रुवारी 2025
आंगणेवाडी जत्रेसाठी कोकणात जाणाऱ्या चाकरमान्यांची गर्दी लक्षात घेऊन मध्य रेल्वेतर्फे लोकमान्य टिळक टर्मिनस-सावंतवाडी रोड दरम्यान ४ विशेष गाड्या चालवण्यात येणार आहे.
अ) लोकमान्य टिळक टर्मिनस-सावंतवाडी रोड विशेष (२)
ट्रेन क्रमांक 01129 ही विशेष ट्रेन 21 फेब्रुवारी रोजी (शुक्रवार) लोकमान्य टिळक टर्मिनस येथून रात्री 12.55 वाजता सुटेल आणि सावंतवाडी रोड येथे त्याच दिवशी दुपारी 12 वाजता पोहोचेल.
ट्रेन क्रमांक 01130 ही विशेष ट्रेन 21 फेब्रुवारी रोजी (शुक्रवार) संध्याकाली 6 वाजता सावंतवाडी रोड येथून सुटेल आणि लोकमान्य टिळक टर्मिनस येथे दुसऱ्या दिवशी सकाळी 6,10 वाजता पोहोचेल.
डब्यांची रचना
1 प्रथम वातानुकूलित, 2 वातानुकूलित द्वितीय, 6 वातानुकूलित तृतीय, 8 शयनयान आणि 2 जनरेटर कार.
ब) लोकमान्य टिळक टर्मिनस – सावंतवाडी रोड विशेष (२)
ट्रेन क्रमांक 01131 विशेष ट्रेन 22 फेब्रुवारी रोजी (शनिवार) लोकमान्य टिळक टर्मिनस येथून रात्री 12.55 वाजता सुटेल आणि सावंतवाडी रोड येथे त्याच दिवशी दुपारी 12 वाजता पोहोचेल.
ट्रेन क्रमांक 01132 विशेष ट्रेन 22 फेब्रुवारी रोजी (शनिवार) संध्याकाळी 6 वाजता सावंतवाडी रोड येथून सुटेल आणि लोकमान्य टिळक टर्मिनस येथे दुसऱ्या दिवशी सकाळी 6.10 वाजता पोहोचेल.
डब्याची रचना
1 द्वितीय वातानुकूलित, 6 तृतीय वातानुकूलित, 9 शयनयान, 4 सामान्य द्वितीय श्रेणी, 1 द्वितीय आसनक्षमता आणि गार्ड ब्रेक व्हॅन आणि 1 जनरेटर कार.
दोन्ही गाड्यांचे थांबे
ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग आणि कुडाळ.
तिकीट आरक्षण
01229, 01130, 01131 आणि 01132 या क्रमांकांसाठी विशेष शुल्क आकारून बुकिंग 9 फेब्रुवारी रोजी सर्व संगणकीकृत आरक्षण केंद्रांवर आणि www.irctc.co.in संकेतस्थळावर सुरू होईल.
या विशेष गाड्यांमध्ये, सामान्य द्वितीय श्रेणीचे डबे अनारक्षित कोच म्हणून चालवले जातील आणि तिकिटे यूटीएस द्वारे बुक करता येतील.
या विशेष गाड्यांच्या तपशीलवार वेळा आणि थांब्यांसाठी www.enquiry.indianrail.gov.in ला भेट द्या किंवा एनटीईएस अॅप डाउनलोड करा, असे आवाहन मध्य रेल्वे प्रशासनातर्फे करण्यात आले आहे.
————————————————————————————————-
————————————————————————————————-
