28 फेब्रुवारीपर्यंत नोंदणी करण्याचे आवाहन
- अविरत वाटचाल न्यूज नेटवर्क
- ठाणे, 21 फेब्रुवारी 2020
ठाणे जिल्ह्यात सन 2022-23 या शैक्षणिक वर्षाकरिता आर.टी.ई 25 टक्के ऑनलाईन प्रवेश प्रक्रियेस सुरुवात झाली आहे. इच्छुक पालकांनी त्यांच्या पाल्यांचे अर्ज नोंदणी https:// student.maharashtra.gov.in/ adm_portal/Users/rteindex या वेबसाईट वर 28 फेब्रुवारीपर्यंत करण्याचे आवाहन प्राथमिक शिक्षणाधिकारी यांनी केले आहे.
बालकाच्या मोफत आणि सक्तीच्या शिक्षण हक्क कायद्यांतर्गत वंचित व दुर्बल घटकातील मुलांसाठी अनुदानित आणि विना अनुदानित शाळांमध्ये 25 टक्के ऑनलाइन प्रवेश प्रक्रिया राबवली जाते. यंदा सर्व पंचायत समिती व महानगर पालिका मध्ये एकूण 648 शाळा पात्र असून इयत्ता 1 ली साठी 11469 व पूर्व प्राथमिक साठी 798 जागा उपलब्ध आहेत.
पालकांना ही प्रवेश प्रक्रिया सुलभ होण्याच्या दृष्टीने ऑनलाइन प्रक्रियेत अर्ज नोंदणीबाबत मार्गदर्शक पुस्तिका (User Manual) , आवश्यक कागदपत्र इत्यादीबाबत सर्व माहिती शासनाच्या वरील वेबसाईट वर उपलब्ध करून देण्यात आलेली आहे.
- हे घटक प्रवेश घेऊ शकतात
या प्रवेश प्रक्रियेत SC/ST/NT/OBC/SBC हे वंचित घटक प्रवेश घेऊ शकतात. तसेच 1 लाखापेक्षा कमी उत्पन्न असणाऱ्या पालकांच्या बालकांना आणि 40 टक्के दिव्यांग असणाऱ्या बालकांना आर.टी. ई च्या माध्यमातून प्रवेश घेता येतो.
======================================================
- मागील बातम्यांवरही दृष्टिक्षेप
