प्रातिनिधिक फोटो
बहारीनच्या अल जझीरा समूहाकडून या आंब्याची आयात
- अविरत वाटचाल न्यूज नेटवर्क
- मुंबई, 10 जुलै 2021:
अपारंपरिक प्रदेश आणि राज्यांतून आंब्याच्या निर्यातीला चालना मिळावी यासाठी अपेडा काम करत आहे. आंबा निर्यात क्षमता वाढविण्याच्या महत्त्वपूर्ण उपक्रमाअंतर्गत पश्चिम बंगालच्या मालदा जिल्ह्यात उत्पादित भौगोलिक निर्देशक (जीआय) प्रमाणित फझील आंब्याची निर्यात आज बहारीनला करण्यात आली. कोलकात्याच्या अपेडा नोंदणीकृत डीएम एंटरप्रायजेसकडून फझील आंब्याच्या मालाची निर्यात करण्यात आली आणि बहारीनच्या अल जझीरा समूहाकडून या आंब्याची आयात करण्यात आली.
आंबा निर्यातीला प्रोत्साहन देण्यासाठी आभासी माध्यमातून खरेदीदार-विक्रेते बैठक आणि महोत्सव आयोजित करत आहे. कतारमधील दोहा येथे अपेडाने आंबा प्रोत्साहन कार्यक्रमाचे आयोजन केले होते, या महोत्सवात इमपोर्टर फॅमिली फूड सेंटरच्या दुकानांमध्ये पश्चिम बंगाल आणि उत्तर प्रदेशमधील भौगोलिक निर्देशक प्रमाणित नऊ प्रकाराचे आंबे ठेवण्यात आले होते त्यानंतर काही दिवसांनीच बहारीनला आंब्याची निर्यात करण्यात आली.
बहरीन समुहामधील 13 दुकानांमधून आंब्याच्या वाणांची विक्री करण्यात आली. बंगाल आणि बिहारमधील शेतकर्‍यांनी उत्पादित केलेला आंबा अपेडा नोंदणीकृत निर्यातदारांकडून खरेदी करण्यात आला.
——————————————————————————————————
