जिल्हाधिकारी शिवाजी जोंधळे यांचे आवाहन
- अविरत वाटचाल न्यूज नेटवर्क
- मुंबई, १५ मार्च २०१९:
भारत निवडणूक आयोगाने 10 मार्च रोजी सार्वत्रिक लोकसभा निवडणूक-2019 ची घोषणा केली असून आदर्श आचारसंहिता लागू झाली आहे. मुंबई शहर जिल्हयात 30 मुंबई दक्षिण- मध्य व 31 मुंबई दक्षिण हे दोन लोकसभा मतदार संघ असून 24 लाख 57 हजार 26 पात्र मतदार आहेत. मुंबई शहर जिल्हयात 29 एप्रिल रोजी चौथ्या टप्प्यात मतदान होईल आणि 23 मे रोजी मतमोजणी होणार आहे. मुंबई शहर जिल्हयातील सर्व मतदारांनी आपला मतदानाचा हक्क बजावावा, असे आवाहन जिल्हाधिकारी तथा जिल्हा निवडणूक अधिकारी शिवाजी जोंधळे यांनी केले आहे.
2601 मतदान केंद्र व 35 हजार कर्मचारी
31 जानेवारी,2019 रोजी प्रसिद्ध केलेल्या मतदार यादीनुसार एकूण 24 लाख 56 हजार 497 मतदार आहेत. त्यामध्ये पुरुष मतदार 13 लाख 44 हजार 955 व स्त्री मतदार 11 लाख 11 हजार 437 इतर 105 अशी मतदारांची संख्या आहे. यात 18ते 19 वयोगटातील मतदार 17 हजार 404 असुन 80 वयापेक्षा अधिक असे 1 लाख 35 असे मतदार आहेत. त्याचप्रमाणे जिल्हयात एकूण 2 हजार 601 मतदान केंद्र आहेत. लोकसभेची निवडणूक प्रकिया पूर्ण करण्यासाठी साधारणत: 35 हजार कर्मचारी कार्यरत असतील.
टोल फ्री क्रमांक
आचारसंहिता तसेच निवडणूक खर्चाचे पर्यवेक्षण करण्यासाठी 40 फिरती पथके – (Flying Squad) 30 स्थिर देखरेख पथके (Static Surveillance Team) 20 पथके (Video Surveillance Team) व 11 दृकश्राव्य चित्रिकरण पथके (Video Viewing Team) विधानसभा मतदार संघनिहाय स्थापित करण्यात आलेले आहेत.
नवीन मतदार नोंदणीबाबत माहिती आवश्यक असल्यास तसेच आचारसंहितेचा भंग किंवा निवडणुकीच्या खर्चासबंधी तक्रारीबाबत मुंबई शहर जिल्हयासाठी तक्रार कक्षाचा टोल फ्री दूरध्वनी क्रमांक 1950 कार्यान्वित करण्यात आला आहे.
मिडिया सर्टीफिकेशन व मॉनिटरिंग कमिटी (MCMC)
केबल, दूरचित्रवाणी, सोशल मिडिया तसेच इतर दृकश्राव्य माध्यमांद्वारे प्रसारित करावयाच्या निवडणूक जाहिरातीची पडताळणी व परवानगीसाठी मिडिया सर्टीफिकेशन व मॉनिटरिंग कमिटी (MCMC) स्थापन करण्यात आली आहे.
लोकसभा निवडणुकीचे वेळापत्रक
- निवडणुकीची अधिसूचना प्रसिद्ध करण्याचा दिनांक 02/04/2019 (मंगळवार)
- नामनिर्देशन पत्रे सादर करण्याचा अंतिम दिनांक 09/04/2019 (मंगळवार)
- नामनिर्देशन पत्राची छाननी दिनांक 10/04/2019 (बुधवार)
- उमेदवारी अर्ज मागे घेण्याचा अंतिम दिनांक 12/04/2019 (शुक्रवार)
- मतदानाचा दिनांक 29/04/2019 (सोमवार)
- मतमोजणी दिनांक 23/05/2019 (गुरुवार)
- निवडणूक प्रक्रिया पूर्ण करण्याचा दिनांक 27/05/2019 (सोमवार)
मुंबई शहर जिल्हयातील 10 विधानसभा मतदार संघापैकी 6 मतदार संघ, 31 – मुंबई दक्षिण लोकसभा मतदार संघात तर उर्वरित 4 विधानसभा मतदार संघ, 30- मुंबई दक्षिण मध्य लोकसभा मतदार संघात आहेत. तसेच मुंबई उपनगर जिल्ह्यांतील अणुशक्तीनगर व चेंबूर हे दोन विधानसभा मतदार संघ समाविष्ट आहेत, अशी माहिती उपजिल्हा निवडणूक अधिकारी फरोग मुकादम यांनी दिली.
========================================================
इतर बातम्यांचाही मागोवा
