- हिंदी भाषेत येणा-या महावीर कर्णाची भूमिका साकरणार साउथ सुपरस्टार चियान विक्रम
मुंबई, 22 जानेवारी 2018/अविरत वाटचाल न्यूज
सूर्य पुत्र म्हणून ओळखला जाणारा महावीर कर्ण लवकरच आपल्या भेटीला येणार आहे. तब्बल 300 कोटी रुपये खर्चून कर्णाच्या जीवनावर आधारीत हिंदी चित्रपटाची निर्मिती करण्यात येणार आहे. विशेष म्हणजे हिंदीतला या चित्रपटाची निर्मीती करण्याचे शिवधनुष्य बॉलिवूडची मंडळी नव्हे तर टॉलिवूडच्या मंडळीं पेलणार आहेत. महावीर कर्णाच्या प्रमुख भूमिकेत दक्षिणेचा सुपरस्टार आणि विविध प्रकारच्या भूमिका करून प्रचंड फॅन फॉलोईंग असणारा चियान विक्रम दिसणार आहे. या चित्रपटाचे दिग्दर्शन आर. एस. विमल करणार आहेत. हा चित्रपट डिसेंबर 2019 मध्ये प्रेक्षकांच्या भेटीला येणार आहे.
या बिग बजेट चित्रपटाचे शुटींग यावर्षी ऑक्टोबरपासून सुरू होणार आहे. बाहुबलीप्रमाणेच या चित्रपटासाठी मोठ्या प्रमाणात तंत्रज्ञानाचा वापर करण्यात येणार आहे. या कामासाठी जगभरातून तज्ज्ञांना पाचारण करण्यात येणार आहे. युनायटेड किंगडम, न्यूयॉर्क या चित्रपटाची निर्मिती करणार आहे. हिंदीसह इतर भाषांमध्येही हा चित्रपट तयार करण्यात येणार आहे.
दरम्यान, दक्षिणेकडील चित्रपट असणाऱ्या बाहुबलीने भारतीय चित्रपट सृष्टीतले सर्वच विक्रम मोडीत काढले आहे. सध्या साउथच्या चित्रपटांचा चांगलाच बोलबाला होवू लागला आहे. त्यातच आता विक्रमसारखा कसदार अभिनेता बिग बजेट पिरिऑडिकल चित्रपट घेवून येत आहे. त्यामुळे केवळ त्याचे फॅन्सच नव्हे तर जगभरातील चित्रपट प्रेमींना महावीर कर्णाची प्रतिक्षा असणार आहे, हे नक्की.
RT proyuvraaj: Jus In: A sun rises as the sun sets. Announcing ‘Mahavir Karna’, a hindi magnum opus. ⭐️ing Chiyaan Vikram. Director RS Vimal. Producer United Film Kingdom,New York. chiyaanCVF pic.twitter.com/78NnBdm1pz
— Chiyaan Vikram (@Actor_Vikram) January 7, 2018
==========================================================================================================
