(संग्रहीत छायाचित्र)
मुंबई, 14 ऑक्टोबर 2017/AV News Bureau:
ज्या विभागीय वन अधिकाऱ्याच्या वन क्षेत्रात दारुच्या भट्टया आढळून येतील त्या अधिकाऱ्यांवर कडक कारवाई करावी, असे निर्देश वनमंत्री सुधीर मुनगंटीवार यांनी शुक्रवारी दिले. illegal daru bhatti issueसह्याद्री अतिथीगृहात अवैध मद्य निर्मिती, वाहतूक, विक्री, अवैध मद्य बाळगणे, आयात-निर्यात यावर कडक उपाययोजना करण्यासाठी आयोजित करण्यात आलेल्या बैठकीत ते बोलत होते. illegal daru bhatti issue
- तक्रारीसाठी व्हॉट्स अप क्रमांक
अवैध मद्य विक्रीच्या व्यवसायावर नियंत्रण आणण्यास आणि नागरिकांना मुक्तपणे तक्रार करता यावी यासाठी राज्य उत्पादन शुल्क विभागाने १८००८३३३३३३ हा टोल फ्री क्रमांक उपलब्ध करून दिला आहे. तसेच व्हॉट्सॲप वर तक्रारी करावयाच्या झाल्यास त्याचा क्रमांक ८४२२००११३३ हा आहे. ज्यांना यासंबंधीचे ईमेल पाठवायचे आहेत त्यांना commstateexcise@gmail.com या ई मेलवरही आपल्या तक्रारी पाठवता येतील. गुगल प्ले स्टोअरमधून एक्साईज कंप्लेंट ॲप डाऊनलोड करूनही नागरिकांना आपल्या तक्रारी नोंदवता येतील, अशी माहिती मुनगंटीवार यांनी दिली.
विभागाचा नियंत्रण कक्ष 24×7 सुरु आहे. विभागाने स्वत:चे सुविधा पोर्टल ही विकसित केले आहे. excisesuvidha.mahaonline.gov.in हे संकेतस्थळ असून विभागाला अवैध मद्य विक्रीसंदर्भात प्राप्त झालेल्या सर्व तक्रारी या सुविधा पोर्टलच्या माध्यमातून संबंधित जिल्ह्यांना पाठविल्या जातात. त्या तक्रारीवर कारवाई झाल्यानंतर त्यासंबंधीचा संदेश तक्रारदारास त्याच्या मोबाईलवर पाठवला जातो.
