काँग्रेस प्रदेशाध्यक्ष खा. अशोक चव्हाण यांची माहिती
मुंबई, 6 एप्रिल 2017/AV News Bureau:
विरोधी पक्षांच्या संयुक्त संघर्ष यात्रेचा दुसरा टप्पा 15 एप्रिलपासून राजमाता जिजाऊ यांचे जन्मस्थळ सिंदखेड राजा येथून सुरु होणार आहे. काँग्रेस प्रदेशाध्यक्ष अशोक चव्हाण यांनी ही माहिती दिली.
या यात्रेच्या तयारीसाठी काँग्रेस, राष्ट्रवादी काँग्रेस, शेकाप, समाजवादी पक्ष, पीपल्स रिपब्लिकन पक्षाच्या नेत्यांची बैठक विधानसभेचे विरोधी पक्षनेते राधाकृष्ण विखे पाटील यांच्या निवासस्थानी पार पडली.
दुस-या टप्प्यात संघर्ष यात्रा बुलडाणा, जळगाव, धुळे, नंदुरबार, नाशिक, आणि पालघर जिल्ह्यातून जाणार आहे. कर्जमाफी मिळेपर्यंत आंदोलन सुरुच राहणार असून लवकरच यात्रेच्या दुस-या टप्प्याचा कार्यक्रम जाहीर करण्यात येणार असल्याचे चव्हाण यांनी सांगितले.
