नवी मुंबई,17 फेब्रुवारी 2017/ AV News Bureau:
नेरूळ येथील कवी कुसुमाग्रज वाचनालयाच्या सहाव्या वर्धापनदिनानिमित्त वाचनालयाच्या प्रांगणात विशेष कार्यक्रम होणार आहेत. त्यामध्ये 18 फेब्रुवारी रोजी सायंकाळी साडेसात वाजता चंद्रशेखर वझे व सहकलाकार “बेताल झालेत सूर ” हा कार्यक्रम सादर करणार आहेत. तर 19 फेब्रुवारी रोजी शिवजयंती निमित्त शिवचरित्रावर आधारित ” प्रतापराव गुजर काका व शिवराज्यभिषेक ” हा एकपात्री कार्यक्रम डॉ. अर्पिता कुळकर्णी या सादर करणार आहेत. हा कार्यक्रम कवी कुसुमाग्रज वाचनालय, महावीर कुटीर, प्लॉट नंबर १९, सेक्टर ४२, सिवूड्स, नवी मुंबई येथे सायंकाळी होणार आहे.
