मुंबई, 31 जानेवारी 2017/AV News Bureau :
मुंबई शहर जिल्हा क्रीडा अधिकारी यांच्या कार्यालयामार्फत जिल्ह्यातील उत्कृष्ट क्रीडापटू, गुणवंत क्रीडा मार्गदर्शक व गुणवंत क्रीडा कार्यकर्ता यांना जिल्हा क्रीडा पुरस्कार देऊन त्यांच्या कार्याचा गौरव करण्यात येतो.या पुरस्कारांसाठी इच्छुक उमेदवारांनी 28 फेब्रुवारीपर्यंत आपले अर्ज सादर करावेत, असे आवाहन करण्यात आले आहे.
सन 2015-2016 व 2016-2017 च्या जिल्ह्यातील उत्कृष्ट क्रीडापटू (एक पुरुष/एक महिला खेळाडू), गुणवंत मार्गदर्शक व गुणवंत क्रीडा कार्यकर्ता पुरस्कारासाठी इच्छुकांकडून अर्ज अर्ज मागविण्यात आले आहेत. भारतरत्न राजीव गांधी जिल्हा क्रीडा संकुल, 2 रा मजला, सायन-बांद्रा लिंक रोड, धारावी बस डेपो शेजारी, धारावी, सायन (प), मुंबई-400 017 येथे हे अर्ज विनामूल्य मिळणार आहेत.
या पुरस्कारासाठीचे अर्ज सादर करण्याबाबत यापूर्वीही आवाहन करण्यात आले होते. परंतू खेळाडू व मार्गदर्शक यांच्याकडून अल्प प्रतिसाद मिळाल्याने जिल्हा क्रीडा पुरस्कार 2015-16 करीता पुन्हा अर्ज मागविण्यात येत आहेत. सदर पुरस्कारासाठीचे विहित नमुन्यातील अर्ज तसेच यापूर्वी सादर केलेल्या अर्जामध्ये अर्जदारास अतिरिक्त कागदपत्रे जोडावयाची असल्यास दिनांक 28 फेब्रुवारीपर्यंत कार्यालयीन वेळेत जिल्हा क्रीडा अधिकारी कार्यालय, मुंबई यांच्याकडे सादर करावेत.
अधिक माहितीसाठी जिल्हा क्रीडा अधिकारी कार्यालय, मुंबई शहर यांच्याशी 022-65532373 क्रमांकावर संपर्क साधावा, असेआवाहन जिल्हा क्रीडा अधिकारी, मुंबई शहर यांनी केले आहे.
