1100 स्पर्धकांचा उत्फूर्त सहभाग
नवी मुंबई, १० जानवारी २०१७/AV News Bureau:
नवी मुंबई महापालिकेच्यावतीने नवी मुंबई महापौर चष्क बॅडमिटंन स्पर्धेचे आयोजन करण्यात आले आहे. वाशी येथील नवी मुंबई स्पोर्ट्स असोसिएशनच्या बॅडमिंटन कोर्टवर ही स्पर्धा रंगणार आहे. महापौर सुधाकर सोनवणे यांच्या हस्ते आज या स्पर्धेचे उदघाटन करण्यात आले. या स्पर्धेत ११०० स्पर्धकांनी सहभाग घेतला आहे.
याप्रसंगी स्पर्धाचे निमंत्रक तथा क्रीडा व सांस्कृतिक कार्यक्रम समितीचे सभापती लिलाधर नाईक व उपसभापती श्रध्दा गवस, नगरसेवक सुनिल पाटील, शिक्षण अधिकारी संदीप संगवे, क्रीडा अधिकारी रेवप्पा गुरव, बॅडमिंटन प्रशिक्षक शिवाकुमार, एनएमएसएचे क्रीडा प्रशिक्षक दत्तात्रय गोरडे आणि इतर मान्यवर उपस्थित होते.
ही स्पर्धा 11,15,17 वर्षाखालील मुले व मुली तसेच खुला गट पुरुष व महिला अशा चार गटात होणार आहे. स्पर्धेतील विजेत्यांस 1 लक्ष 40 हजार रक्कमेची पारितोषिके प्रदान करण्यात येणार आहेत. तर 11,15,17वयोगटातील आणि खुल्या पुरूष गटातील विजेत्या पहिला आठ क्रमांकांना व महिला खुल्या गटातील पहिल्या चार क्रमांकांना पारितोषिके प्रदान करण्यात येणार आहेत.
10 आणि 12 जानेवारी 2017 रोजी दोन दिवस 1100 हून अधिक खेळाडूंचा उत्साही सहभाग असलेल्या या स्पर्धेचा पारितोषिक वितरण समारंभ 12 जानेवारी रोजी सायं. 5 होणार आहे.
